♥ SuGaRy ♥님의 프로필¸¸.·*´♥ღ SuGaRy GiRL ღ♥`...사진블로그리스트기타  |  도구 도움말 |
|
2월 2일 باستوعب الوضعالسلام عليكم ورحمـة الله
امم احترت كتير قبل ما اكتب
لأني ما اعرف اذا كنت حالاقي رد ولا لا
وهل في ناس لسه بتستخدم السبيسات
ولا موضة وانتهت ؟؟
استغربت لما لقيت راسلني مليانة ايميلات
من ناس بتسأل ورايا
الله يسعدكم كلكم
 حسيت اني نفسي اكتب
فـ جيت هنا
ونشوف اذا في احد حيرد ولا لا
 12월 11일 عدنـــــالا موو معقول
اخيرا رجعت اكتب في سبيسي !!
بجد وحشتووني كلكم
اكتشفت انو اخر مرة كتبت فيه كانت في جانيوري اللي فات واحنا دحين ديسمبر يعني حاهخلص سنة
بس دي السنة كبيسه الحمد لله
دراسه وقررف
بس بجد ليييكم وحشه مررررررررة
وماشا الله موضوعي اللي فات الين دحين بتجي عليه ردود
شي كويس بصراحه
ان شا الله حامر على سبيساتكوم كلكم قد ماا اقدر
وحتشوفوا السبيس حقي اخر حلاوة
بس اصبرروا عليا شويه  1월 31일 FaLLin<<In LoVe صبااااح الانووار والخيرااات على الكل والجمييع
كيفكووم كوولكم
اجااازة سعيييييييييدة
وان شاااء الله تنبسطوو على الاخررر فيهااا
الييووم وانا باشووف ايميلي جاني ايميل
واحد كتبو بجد عجبني
يعني نفسي البنات يعرفو انو دا ولد وبيتكلم عنكم يابنات
احلى مافيه انه يشرح الواقع بطريقه رهيبه
يعني من البنات او الشباب اللي حيقرو البلووق دا
اكيد كتير منكم او كتير تعرفو ناس كدا
غااارقين في الحب على قولهم
ياريت تفيدو ناس معميه بصيرتهم
وان شاءالله يعجبكم وتستفيدو اول شي
والموضوع بتصررف
 هاي قيرلز كيفكوم انشاء الله بخير
ابا احكيكم قصتي اسمعوها ترا قصح فله وكتكوته وحتنفعكم وبعد القصه ابا انصحكم نصيحه ممكن ؟؟ كأنو لو قلتو لأه حبطل يعني
انا ولد مره فااللها وعايش حياتي بالطول والعرض بساتين وم التلوت وتحليه الربوع وبحر الخميس وجتات وسباحه
الدراسه تدييييييييييييييت في الصباح وصياعه الليل  المهم ... حصل معايا شي غيرلي حياتي 180 درجه حياتي سارت راحه نفسيه وصدري انشرح ويالله قد ايش سرت مبسوووووووووووووووووط وحاسس انو انا عايش احلى حياه في الدنيا ابا اقولكم الطريقه ماباابخل عليكم انتم
البنات حبايب قلبي هع هع اول شي الموضوع اللي
ابا اتكلم عليه هوه التشبيك  بينا وبينكم يبنات خلاص سار شي سهل
وعادي شغل بلتوث في تحليه سنتر او بساتين اوغيرو ولا رقم بنات في موكب
ولا شبك بنات في النت
يامسهلها فنضر كتير منننا ويامصعبها مكتر مخاطرها عند ربنا
هادي خلاص ربنا يقلبلك حياتك جحيم لو خشيت فداالطريق اقولكم كيف اقولكم كيييييف ,, خطوات الشيطان يسحبك فيها
خطوه خطوه لين ما يوصلك لي الحاله اللي بالك تكون فيها وهيا
(( القلب الميت )) وحقولكم على الخطوات اللي توصلكم لدي الحاله الفشخه الاولى : البنت الطيبه لساتها بكياسها
جديده تدور على الولد الطيب اللي يخاف عليها ويحبها واللي يحليلها لياليها
 بس
يخصاره يسيبها ويجرحها جرح مره اه منو الخطوه التانيه : تدوري على التاني اللي يداويلك جرحك ياقلبي انا وتلاقيه بس
يخصاره يطلع زي الاولاني وينعاد الفلم بزاتو وبدل الجرح جرحين
الخطوه التالته : كرهت الاولاد كلهم زي بعض الله ياخدهم واحد ورا التاني
بس يومين وتشوف الولد اللي يناس عليه
مره كيوت مره كتكوت شكلو
طيب نديلو فرصه
 ويافرحه ماتمت
جات الحزينه تفرح مالقتلهاش مطرح
ويطلع زيهم وينعاد الفلم بزاتو الخطوه الرابعه ( خلاص قربنا للقلب الميت ): خلاص انا ليش اتعب نفسيتي
يابنت خلينا فرندز وفله ودي الكلمه يالهوي يالهوي عليها مره مرعبه
 خلااااااص
وقتها قلبك يموت ومعد تخافي من ربنا
كل انك تشيلي الهم والغم والنكد اللي فصدرك وتغيري حياتك اللي سارت حزن وبكا تخليها فله ووناسه ومعد تفكري فربنا وهنا خلاااااااص وصلتي واتمادتي
وربنا حيبدأ يعاقب سمعتوا بدا الشي
(( الجزاء من جنس العمل ))
خلاص انتي عملتي لازم
تتجازي بجزاء من نوع عملك الفرندز اللي انتي خليتيه شعارك حيعرفك بناس زفت اول ما يسمعو كلمت فرندز منك حيقولو دي **** وحيضحكو على راصك ويشيبولك شعرك بحركاتهم الندله
ولمن تجي تتزوجي ربنا يبعتلك
واحد زيك مو انتي فرندز وفله ومدمنه شباب خلاص خدي زوجك اللي عندو جدول مواعيد ديتاتو مع البنات من كترهم وحياتك الزوجيه شكك في شكك وخيانه منك ليه ومنو ليكي  خلاص حياتك زفت موتي احسلك
تبو الحل اللي يخلي حياتكم يناااااااااااااااااااااااااس منها حلوه تعشقوها تتحمسو انكم تعيشو كل يوم فيها اقولكم عليه ,, صلي
اقرأي قرءان حاولي تفهميه معانيه
ولا تكلمي شباب
وحطي فبالك انو انتي بتعملي كدا عشان ربنا
يقلبلك حياتك جنه في الدنيا وجنه في الاخره كدا قولي ياربنا يا حبيبي يا حياتي شوف انا كيف سرت ونتا ما ما تظلم واللهي ساعتها ربنا حيديكي ويرزقك بالولد الكتكووووووووت
اللي يخليكي تستنيه متى يجي من عملو
عشان تبوسيه
عشان تحضنيه
اللي يخليكي
تحسي بطعم الحب اللي كنتي بتدوري عليه الحب اللي في الافلام واحسن منو كمان الحب اللي كل يوم يكبر يكبر يكبر ما ينتهي ابددددددددددددددن
 الولد اللي يساعدك في انك تبني سلم
كل يوم تبنو سلمه ورا سلمه
لغايت ما توصلو السلم دا من بيتكم من غرفتكم للجنه عدل حتى الحب الي يكون بينكم حتى الحب تاخدو عليه اجر ها بالله مو احسلكم من الكلام الفاضي
المهم سوري لو طلولت عليكم بس حبيت انصحكم لله واخيرن يناس عسل واللهي انتو ملكات تجلسو فبيوتكم
 ونحنا نجيكم من الباب من
قدام اهلكم ووبرضاهم وانتو تتأمرو وتنقو ايوه ولا لأه
لا تخلو الشباب يدخلولكم من الشبابيك ومن ورااهاليكم اوكيييييييي
... اخوكم المطوع
*********** اخر شي حبيت اقولكم شكرا على قراءتكم للقصه اتمنى تكونو خرجتو منها ولو بفايده صغيره تقبلو ارق تحياتي
 1월 6일 انبسطوو وهاف فن عالاااخر
كيفكم شباابز وصباابااا ؟؟
واخييرا جااات الاجاازة وجات الايام الحلووة مع انها اجازة قرف ودرجاات من اولها تنكييد من استاذة العربي من جد حطتني في بالها مع اني المفروض انقص درجتين خلتني بي بلس يعني نصيحه للكل مررا لا تتقصدو الاستازات احسن لكم لانهم على الفاضي والمليان يحطوكم في بالهم
*** كيف حتقضو اجازتكم ؟ انا عني حاروح المدينة قدام الحرم المدينة في العيد مرا حلوة وتصير كانك في الكباين استغفر الله لوولز من جد تلاقي كول اهل جده هناك وعاملين البلاوي السبعه بجد اشك اني قدام الحرم وانا هناك صياعه ومعاكسات وطول الوقت اسواق طبعا مو الكل لكن الاغلبيه يعني بالله قدام الحرم ويجي يقولي بالله عنك سبحه زايده لوولز من جد مسخررره قريباتي في المدينه يقولو احنا ايام الحج مانروح الحرم كله من بنات واولاد جده اللي يعدمو الدنيا يعني بالله عاجبتكم دي السمعه ؟؟ ناويه ان شاء الهل انزل موضوع كامل عن السمعه دي بس خليها في وقت تاني مانقول غير الله يهدي الجميع واللي يكون ناوي يروح على صياعه خليك في جده احسن لك لانه المدينة يكفيها وجود قبر الرسول فيها
****
بالاخير حبيت اديكم كويز صغيير عجبني مررا وهو شخصيتك من لونك يمكن البعض يحسبوو مكرر وقديم بس انا شايفتو جديد وعاجبني مررا شوفووه انا طلعلي Aqua اللي هوا التركواز اموووت في دا اللوون وسبحان الله طلعلي زيي من دون مامدح نفسي بشهادة بابا لووولز بس انبسطت على اني اسرق الاضواء من دون ماحاول حتي
شوفوه دا حقي
خليني اشوف حقكم من دا اللنك http://www.quizmeme.com/color/takequiz.php
Waiting 4 CommenTs 12월 22일 :: No CommenT::اهلييين من جدييد
كيفكم؟؟
والله واحشيني موووت
زمااان عن السبيس
وبجد مررا شكرا لكل اللي ردوا على كل مواضيعي اللي فاتت
ومررا شكرا على اهتمامكم بموضوع التصويت
انا الفترة اللي فاتت
كانت سيئة جدا ولله الحمد
جدي اتوفى قبل 3 اسابيع تقريبا
كان معانا بنفس البيت
وغرفته جنب غرفتي
فأثر الشي داعليا مررة
خصوصا انها كانت فترة اختبارات
ولازلت في فترة اختبارات عصيبه
ولسه السبت عندي اختبار
دعواتكم جميعا
كل اللي اقدر اقوله اني بعد ماشفت جدي يموت قدامي
حسيت كيف الانسان يفارق الدنيا دي بدون ولا شي
يعني شفت ماما وخالتي يبكوو عليه
حيتقطعو كمان
لكن في ايش فادوه؟
كل الناس اللي جنبو تبكي
لكن هوا رايح لعمله
ولا احد راح ينفعو
منظر مفارقة الروج للجسد مخيف جدا جدا
بجد كل ماتفتكر الموت تحس اننا محنا مستعدين له
الله يحسن خواتمنا ياارب
وياريت كلنا نستفيد من شبابنا قبل هرمنا
قبل مايجي يوم ما نقدر نسوي فيه شي
الله يرحم موتانا وموتى المسلمين
اتمنى اكون ماكترت عليكم
بس حبيت انصح نفسي قبل ما انصحكم
تحياتي للجميع 11월 25일 ياريت تشاركوالسلام عليكم ورحمة الله وبركاته
كيفكم جميعا ؟؟
انشالله تمامز وعايشين حياتكم
عندي شي مهم وضروري وارجو منكم الاهتمام
ارجوكم صوتو بسرعة و بكثافة على هدا الأستقصاء الذي أعده التلفزيون الفرنسي
عن الديانات في العالم و أكثرها اعتناقا دا هو اللنك
وعشان نسهلها عليكم
في سؤال الأول اختر
Musulmane
وفي باقي الأسئلة اختر الجواب الأول المضلل باللون الاسود
والسؤال ماقبل الاخير اختر الجواب الثاني
Une règle d vie
وطبعا عشان تفهمو دي الترجمة
الأسئلة:
الأمسية 16 غشت تتساءل حول الإيمان،و تطرح بالأساس تساؤل حول الطريق نحو الإيمان. ما هي وضعيتكم، و أي مكان يحتله الإيمان و السلطة الدينية في حياتكم، شاركوا في هذه الأسئلة:
- أي ديانة تحسون أنفسكم الأقرب إليها؟
*الكاثوليكية *البروتستانتية *الأرتودوكس *اليهودية *الإسلام *أخرى *عبادة حرة *و لا واحدة - هل أنت مؤمن؟
*نعم *لا، نهائيا - هل تذهب إلى مكان عبادة؟
*باستمرار *نادرا *أبدا -هل تمارس الصلاة؟
*باستمرار *نادرا *أبدا -السلطات الدينية هل يجب أن تتدخل في قضايا العصر؟
*نعم، في كل القضايا *فقط في المسائل الأخلاقية *لا، يجب أن ترتكز فقط في القضايا المتعلقة بالإيمان (الدينية) -هل تظن أن الدين يرد على احتياجات الفرد؟
*نعم *لا -هل الدين في نظرك:
*مساعدة *قاعدة حياتية *أمل *رجعية *لا شيء -إلى أي فئة عمرية تنتمي:
*تحت 20 *20-35 سنة *35-55 سنة *أكبر من55 سنة وانشالله ما اكون طولت عليكم
وياريت كلكم تصوتو للأهميـة
واللي حابب يحطه بسبيسه عشان ننشره
لاكبر عدد مممكن مو مشكلة
تحياتي
11월 13일 معاناتي مع الجاامعه اهليين فيكم
بجد عارفة اني ماستحي ولا هنيت احد بالعيد
لكن والله عارفين الخرجات والدخلات ومررة مافضيت
 لكن اهم شي حابه اهنيكم بيه
اللي هوا
رجعة الدرااسة
والمحاضراات المملة
بجد الجامعة شي كئييب
كل يوم اصحى بدري من 6 الصباح عشان الحق محاضرة 8
وبرضو مع الزحمة وسرا السيارات الـ مو طبيعي
ادخلها 8:10 تقوم تحطني متأخرة؟؟
ولو دخلت وربع اصير غياااب؟؟؟
ولو سألتها : لييش يا استااذة ؟؟
تقولي عشان مصلحتك مايفوتك شي في المحاضرات
طيب يااارب هي تكون ما بدأت شي
بجد اكره حركات الاستاذاات العبيطه دي
 سيبونا منهم عمرهم مارح يبطلو حركاتهم دي
وخلوونا في المحاضرات نفسها
والله لو تشوفو البنات في المحاضره لوولز
اللي ماسكه جوالها واللي تلعب في شعرها
ولا يلعبو بينقو ولا اكس او
حتى نايمين فيه
يعني انوواع عدم الاستعداد للدراسه
 امس رايحة على بالي عييد ويوم جديد ورايحتلهم معيدة لوولز
 والاقي نفسي ماخده 5 محاضرات من اصل 5
بجد شوية ورااسي ينفجر
 دا كلوو غير الجووو الليي يجيب النكد استغفر الله
شمس وحرر
 يخلي الواحد غصبن عنوو يعسب
معا ني كيووت وحبووبا بس ماقدر امسك نفسي
شوفو السورة كيف كنت لزيزة
لكن الشمس تفقدلي اعسابي
 ---------------------------------
انا هنا انتهت حكايتي عن معاناتي مع الجامعه
وسووري اذا طولت عليكم
.
.
.
Vote 2 me if u love me
  10월 21일 مكة والعمــره اهلين من جديد
الف شكرر لكل اللي بيتابعوني
ومابيخلوو عليا بالكومنتز الحلوة
والف شكر لكل اللي صوتولي
وتصويتي وصل لحد الان 41
ياريت ما توقفوا لوولز
بجد الله يخليكم ليا ولا يحرمني منكم ياارب
  المووهم
عملت عمررة الحمد لله في رمضان
وكانت زحمة خررررافيه
بجد استغفر الله نفسي اتضارب مع الناس كولهم يومها
وكنا صايمين وخرجنا الضهرر
يعني حووسه
وخلاصمن تعبي قاعده في الحرم شغاله تصووير
مع انوو التصوير ممنوع
بس يعني حيشيلو جوالي كمان ؟
شوفوا الصوور والزحمة كييف
دي بوابة الملك عبد العزيز في الاخير  ودي صور من السعي
ودي صورة بعد الفطوور والتمرر والكاسات المرمياة لوول
ودي صور للكعبة
ودا منظر للساحه والحرم من بررا
ودي شركة مكة
ان شا الله تعجبكم وروني كومنتزز C ya 10월 14일 BaCk Again عدنااااا من جدييد
ومعانااا الخير كلووو
وحشتوووني وزمااااان عن البلوقززز
واحشاااني خاالص
كيفكم كوولكم؟؟ وكيف رمضان؟
وشوربة الحب والسمبووسة
وكيف ضربات الشمس مع الجامعه؟
ان شاء الله تكونو ميه ميه
اول شي
البنووته الطعموونه سوزي
عملت سبيس لززوز زيها
كلوو لبنات جده
تقدرو تشوفوه من دا اللنك
وعملتلي بنر التوصيت يجنننن
شوفوه شو رايكم فيه ؟
مررا كشخــه
 واخييرا
تقدروا تصووتوولي لو عجبكم السبيس من هنا
وياريت ما تبخلوو عليا :(
ترى كليك واحد مايكلف ولا ثانيتين
وببلااااش ترى
صوتولي من هوون
 C ya
9월 29일 + . * + . *كل عام وانتم بخير+ . * + . *
السلام عليكم ورحمة الله وبركاته
كل عام وانتم الى الله أقرب ومبارك عليكم الشهر اعاده الله علينا وعلى الامة الاسلامية بألف خير
في موضوعي هذا اتمنى الاستفادة عشان يكون رمضان السنة دي غير
كلنا لو فكرنا احد راضي عن عبادته الشهر اللي فات؟؟
هل تتوقع اننا ادينا حق الصيام ؟
ولا كان صباحنا صيام عن الطعام وبس؟
وكله مسلسلات كالعادة ؟
هل صلينا التراويح والتهجد ؟
ولا مالو داعي التعب؟
خلونا نتغير وليكن شعارنا
أولا
·°•ٌღالتسخين لرمضان ღٌ•°
لو نبغى نوصل لدرجة العبادة التي نبغاها في رمضان لازم نبدأ تحسين أحوالنا وزيادة العبادة من الآن وهو بمثابة التسخين لرمضان فإحنا لو بدأنا التركيز ومحاولة زيادة العبادة والتقرب إلى الله في بداية رمضان حنلاقي أننا ما لحقنا إلا بأيام قليلة في أخر الشهر كانت العبادة فيها كما يجب (هذا إن لحقناهم( وحنندم أشد الندم أنه هذه اللذة ماحسينا بها من بداية الشهر.
عشان كدا ياريت نبدأ من الآن بالصلاة في وقتها وزيادة الورد القرآني ومداومة قيام الليل (ولو ركعتان قبل النوم) والقيام لصلاة الفجر وعدم الكذب والحذر الشديد جدا من الغيبة والنميمة والذكر الدائم لله بأي صوره والدعاء. فإذا جاهدنا نفسنا من الآن لعمل هذه الأشياء وغيرها فإنها ستكون بإذن الله عادة لنا في رمضان وبعد رمضان . يا شباب وبنات المسلمين نبغى يكون رمضان هادي السنة غير عادى عاهدوني أن نحاول اننا نلتقي يوم القيامة ونعرف بعضنا بهذا العهد نريد أن يرضى عنا حبيبنا ورازقنا لعله يبلغنا ليلة القدر وُنعتق وهى نعمة لا يبلغها إلا من عمل لها. ولندعو لبعضنا بالثبات ،، ولعله أخر رمضان لنا،، إن لحقنا به فمن يدرى ،،
ثانيا
·°•ٌღ فكرة عملية ღٌ•°
فاصل للقران لحد القراءه فيه نيات ننويها قبل قراءة القران
كل يوم لنا ورد قراني فا ايش رأيك لو كانت لنا في كل تلاوة نيات كثيرة لنكون من تجار النيات كما كان الصحابة الكرام
والنية محلها القلب وهذه النيات هي:
-أن يشفع لي يوم القيامة.
-ان تذهب الحسنات السيئات وبنيةحسن الخاتمة.
ان يكون نورا في قبري ويوم القيامة.
-التقرب إلى الله.
- لأكون من أهل الله وخاصته.
-كي لا اكتب من الغافلين.
-ليكون نورا لي في الارض وذكرا في السماء.
-طاعة لله ورسوله.
- لتغشاني الرحمة وتحفني الملائكة ويذكرني الله فيمن عنده.
-لأكون مثل الكيس المحشو مسكا يفوح ريحه في كل مكان.
- لأكون على كثيب من مسك يوم القيامه لا يهولني الفزع ولا الحساب.
-ليعطيني الله افضل مايعطي السائلين.
من كتاب المتجر الرابح في ثواب العمل الصالح
فعجبتني الفكرة لان كل المعلومات هذي مفيدة ونعرفها بس ننساها وفكرة الفاصل اللي يكون موجود داخل القران يذكرنا بهذه النوايا فنصير من تجار النوايا ولكل امرئ مانوى وعند الله لا يضيع اجر
9월 22일 فرح انجليز بالسودان مرحباااا من جديييييد
كيفكم كلكم ؟؟؟
اكيد تماااام والنفسيية ميه ميه مع اجازة السبت
 المووهم دا اوول بلووق ليا في السبيس فيااا ريت ما تفشلووني واشووف منكم
كومنتزز حلووة زيكم
 المووضووع كلوو عباارة عن صوور
اتنين بريطانين يستغلوو في السووادن
واتزوجوو على حسب التقاليد السودانية
وشكلهم طالع تحف
شوفوو الصور معاياا
 هنا العريس بيتحنى في رجوووله
 وهنا يديينه كمان
مررة مايجي عليه
  هنا العرووسة الحلووة
وهي متشخعله بتستنى عريسها لوول
  وهناا مبسووطه وقاعدة ترقص
والاخ مو مصدق الوضع قاعد يتبرع لووولز
  هنا لقطه جماعية للعريس والعرووسة
والعريس منكشح مين قده
عاد اليوم يومــه
  واخيرا وليس آخررا يقووول المثل
العرووسة للعريس والجري للمتااااعيس
  9월 18일 ·°•ٌღ وأخيـــرًا ღٌ•°· |
|
|||||||||||||||||||||
|
|
